WANNE WAWEKWA MBARONI KWA KUUZA SAMAKI WACHANGA.

GEITA:Idara ya Uvuvi mkoani Geita imekamata matenga 10 ya samaki wachanga wa thamani ya Sh milioni tatu katika Halmashauri ya Mji wa Geita.

Samaki hao walikuwa  wakiingizwa sokoni kwa ajili ya kuuzwa, kinyume cha sheria.
Walikamatwa juzi katika operesheni  ya kutokomeza uvuvi haramu.

Samaki hao walikuwa wanasambazwa kwenye masoko ya Nyankumbu, Shilabela na Soko la mjini Geita.

Ofisa Mfawidhi mdhibiti ubora wa samaki na msimamizi wa raslimali za uvuvi, Shafii Kitery alisema  samaki hao walikamatwa kunatokana na taarifa kutoka kwa wasamaria wema.

Alisema wananchi hao walieleza kuwapo  wafanyabiashara waliokuwa wakivua samaki wachanga   chini ya sentimita 50 hivyo ukawekwa  mtego na   kuwakamata.

“Ninashukuru ushirikiano wa wananchi ambao wametoa taarifa hizi, Hii ni hatua  endelevu ya utekelezaji wa agizo la Rais John Magufuli alilolitoa Mwanza akitaka kupambana na uvuvi haramu na kuwalinda samaki wachanga,Masoko yote   Geita tutayafanyia uchunguzi na kuhakikisha hawa samaki wachanga hawauzwi,Watu wanane tuliowakamata tunawafikisha kwenye vyombo vya sheria   vichukue mkondo wake,” alisema Kitery. 

Hivi karibuni mkuu wa wilaya ya Geita,Mwl Herman Kapufi amekuwa na oparesheni ya kuzunguka kwenye visiwa vilivyopo wilayani humo ambavyo ni izumacheli na Nkome lengo likiwa ni kuzungumza na wananchi na kuwaimiza kuachana na tabia ya uvuvi haramu ambao umeendelea kusababisha samaki wengi kutoweka katika ziwa victoria .