TIMU YA OBAMA FC YASHINDWA KUTAMBA KWA STEND UNITED

Kikosi cha Obama FC kutoka Buseresere Wilaya ya chato wakiwa kwenye picha ya pamoja na Mkurugenzi wa kikosi hicho Godfrey Miti

Kikosi cha Stend United kwenye picha ya pamoja.

Mchezaji wa Obama FC akiwa anagaga chini.

Baadhi ya mashabiki wakifatilia mchezo kwa umakini zaidi.

Jana timu ya Obama fc kutoka katika kata ya Buseresere walikutana na timu ya Stend United Chama la wana kutoka Mkoani Shinyanga kwenye mchezo wa urafiki uliyo chezwa kwenye uwanja wa Katema ‘A’ Kata ya Mganza wilayani Chato.

Kipindi cha kwanza kilianza kwa kasi kubwa kwa timu zote mbili huku timu ya stend united ikionekana kuwazidi mchezo katika kipindi hicho cha kwanza kwenye Dakika ya 41 kipindi cha kwanza timu ya stend united iliweza kuweka bao lake la kwanza lililofungwa na Ayoub Suleiman hadi kipindi cha kwanza kina malizika stend united ilikuwa inaongoza kwa gori moja bila.

Kipindi cha pili kilianza kwa kasi kama ya kipindi cha kwanza,huku timu ya obama ikiongoza kwa kubadilisha wachezaji uwanjani lakini pamoja na juhudi za kocha wa timu ya hiyo Raphael Ngereja juhudi zake azikuweza kuzaa matunda kwani katika kipindi hicho cha pili Mchezaji wa Stend United Chid Belle aliweka gori la pili kwenye Dakika ya 46.

Kwa upande wake mzamini wa timu ya Obama FC ambaye ni Diwani wa kata ya Buseresere Godfrey Miti amesema kuwa anaamini kuwa timu hiyo itafanya vizuri zaidi kwani ndoto kubwa aliyonayo ni kuhakikisha inapanda viwango vya juu ili iweze kufikia super Ligi.

Timu ya Stend United hipo wilayani Chato kwaajili ya kujiandaa na mchezo  dhidi ya  Mwadui Fc ambazo zote zinatoka Mkoani Shinyanga.