WATENDAJI WATAKIWA KUTUMIA FURSA ZINAZOWAZUNGUKA KUINUA VIPATO VYA JAMII.

Mkuu wa wilaya ya Geita,Mwl Herman Kapufi akifafanua katika kikao cha wakurugenzi wa halmashauri ya wilaya na Mji,watendaji wa mitaa,kata na vijiji pamoja na maafisa tarafa katika ukumbi wa mikutano wa halmashauri ya wilaya.

Katibu tawala wa wilaya ya Geita,Thomas Dimme ,akitoa maelekezo kwa wajumbe wa mkutano huo.

Wajumbe wakimsikiliza mkuu wa wilaya alipokuwa akitoa maelekezo ya kutumia fursa zilizopo katika maeneo wanayoyaongoza.

Watendaji wa kata na Mitaa na maafisa tarafa wakifatilia kwa makini.

Mkuu wa wilaya ya Geita,Herman Kapufi amewataka watendaji na maafisa tarafa  wilayani humo  kutumia fursa zinazopatikana katika maeneo ambayo wanafanyia kazi ili kuweza kujinufaisha ikiwa ni pamoja kufungua viwanda vidogo ambavyo vitaleta faida katika jamii.

Hayo ameyasema  wakati wa kikao cha wakurugenzi  wa halmashauri ya wilaya na mji,wakuu wa idara kamati ya ulinzi na usalama ya wilaya maafisa tarafa na watendaji wa kata ,ambapo ni moja kati ya mambo ambayo amewahimiza viongozi hao   baada ya kupata mafunzo mafupi ya kuzitambua fursa na kuzitumia aliyoyapata nchini China hivi karibuni.

Mh Kapufi,alisema  kuwa wao kama watendaji wana  uwezo mkubwa wa kubadilisha maisha ya wananchi kwa kuandika ombi mradi ambalo wataliwasilisha kwa afisa mipango ambae anaweza kuomba kwa shirika lolote kutengeneza kiwanda ambacho kitasaidia wakulima wa mananasi na mazao mengine kuweza kuuza kwa bei nzuri katika kiwanda cha kuchakata kitakachokuwa kimejengwa eneo husika ambalo litakuwa limepangwa.

“Mnaweza kufanya andiko mkamletea afisa mipango ambae akashirikiana na mkurugenzi na mkuu wa wilaya ambapo anaweza akaomba  kwa SIDO na kusaidiwa na kisha hawa wakulima na wafugaji  viwanda hivi vinaweza kuwasaidia kwani watauza mazao yao kwenye kiwanda ambacho kitawapa faida”alisema Kapufi

Baadhi ya watandaji wa kata ambapo wamesema kuwa wanaamini viwanda ambavyo vitajengwa hususani vya mananasi vitawasaidia wakulima kuinua uchumi wao na kwamba wataweza kusaidia mapato kuongezeka katika halmashauri zilizopo wilayani humo.

Hatua hii inakuja ni baada ya kauli ya Rais Magufuli ya kutaka Tanzania kuwa nchi ya viwanda na kwamba kutumia mali zilizopo kwa ajili ya kunufaisha wazawa lakini pia kutoa ajira kwa baadhi ya watanzania wasio na kazi za kufanya.