SAMAKI WACHANGA WENYE THAMANI YA SH,MIL 11.8 WAKAMATWA GEITA

Baadhi ya samaki waliokamatwa wakionekana wakati wa zoezi la kuwatambua samaki ambao ni wakubwa na wadogo.

Gari lenye Namba T 199 AUN Toyota Hiace, ambalo lilikuwa likiendeshwa na Nicodemus James mkazi wa Katundu mjini Geita limekamatwa na maafisa Uvuvi  wa halmashauri ya wilaya ya Geita wakati likisafirisha samaki wachanga wenye inchi moja na nusu mpaka mbili wakiwa kwenye madumu, mifuko na mabox  wakiwa na kilo elfu  11896 wenye thamani ya zaidi ya Sh. Milioni 11.8.

Pamoja na jitihada za Serikali Wilayani na Mkoani  Geita  kuwa na vita kubwa ya  kutokomeza mtandao wa wavuvi haramu katika mwambao wa ziwa Victoria lakini bado kuna  changamoto  kwa baadhi ya wafanyabiashara wa samaki, ambao wanaendesha  biasahara hiyo kinyume na sheria ya uvuvi ya namba 22 ya mwaka 2009  kwa kuendelea  kuuza samaki ambao hawajakidhi viwango mara baada ya kutoka kulangua kwa wavuvi.

 Afisa mfawidhi wa uthibiti  ubora wa samaki na usimamizi wa rasimali na uvuvi kanda ya Mkoa wa Geita,Shafii Ramadhani,alisema kuwa uvuvi haramu umeendelea kuiletea hasara kubwa serikali kutokana na kiwango cha samaki wanaovuliwa kutokufikia wakati wake sahihi wa kuvuliwa na tatizo kubwa lipo kwa baadhi ya wavuvi ambao wamendelea kutumia makokoro ambayo yameendelea kuzuhiliwa.

“Kwa ujumla hata sisi tunasikitishwa na vitendo ambavyo vimeendelea kufanywa na baadhi ya wavuvi kuendelea n dhana haramu ambazo tumeendelea kuzuhia swala hili kwa mfano kama wafanyabiashara wakiacha kununua hawa samaki hayupo mvuvi hatakae vua samaki hawa wachanga”Alisema Shaffi

Bw,Ramadhan ameongezea kuwa kukamatwa kwa mfanyabiashara ni kutokana na kwamba yeye anakuwemo kwenye mlolongo wa Makosa  kwani   kile ambacho kinafanyika sio uwonevu kwa wananchi  nia ya serikali ni kuakikisha jamii inanufaika na maliasili hiyo kwa kuzingatia kanuni zilizowekwa

. Kwa upande wao wafanyabiashara wa samaki,Paul Ndonge na  Emmanuel Lukanga ,wameeleza kuwa lengo lao sio kununua samaki wadogo  sababu zinazopelekea kununua samaki hao wadogo ni kutokana na kutokuwapata samaki wakubwa pia wameiomba serikali kuweka nguvu zaidi kwa wavuvi ambao wanavua samaki wadogo kwani wao ndio chanzo kikubwa cha kuendeleza biashara hiyo mbayo imekwisha kuzuhiliwa.

Maeneo ambayo yanakabiliwa na uvuvi haramu katika mwambao wa ziwa Victoria Wilaya ya Geita ni pamoja na Kata ya Senga, Nkome, kisiwa cha  Izumacheli na Mwalo wa Beach Chato Wilayani humo.