KIJANA ANAYEDAIWA KUUAWA MGODINI AZIKWA NA SERIKALI GEITA

Mkuu wa Mkoa wa Geita,Meja Jenerali Mstaafu Ezekiel Kyunga akiwa na kamati ya ulinzi na usalama wakiangalia maeneo ambayo yanasadikika kuwa Marehemu Shinje Charles alipoanguka na kupoteza uhai kwenye mgodi wa dhahabu wa Geita(GGM).

Mkuu wa Mkoa wa Geita akioneshwa damu ambazo zilivuja baada ya marehemu kuwa ameanguka.

Baadhi ya viongozi wa serikali pamoja na kamati ya ulinzi na usalama wakitelemka kuelekea eneo ambalo vijana wamekuwa wakiingilia kwenye mgodi huo kwaaajili ya kutafuta mawe ya dhahabu (Magwangala).

Eneo ambalo inasadikika vijana wamekuwa wakiingia kupitia maeneo ya juu.

Sehemu ya shimo ambalo limekwisha kuchimbwa ambapo ni moja kati ya maeneo hatari ambayo wamekuwa wakiingia baadhi ya vijana kwaajili ya kutafuta mawe ya dhahabu.

 PICHA NA JOEL MADUKA.

Serikali ya Mkoani Geita imegharamia maziko ya kijana Shinje Charles aliyefariki kwenye mgodi wa dhahabu wa Geita (GGM) huku ikitoa siku saba (7) kuhakikisha upelelezi unafanyika kuhusu tukio hilo.

Mwili wa marehemu Shinje Charles umekaa kwenye chumba cha kuhifadhia maiti katika Hospitali ya rufaa ya mkoa wa Geita kwa siku kumi  na moja (11)  baada ya ndugu kugoma kuuzika wakishinikiza uchunguzi wa kina wa tukio hilo.

Mkuu wa Mkoa wa Geita Meja Jenerali Mstaafu Ezekiel Kyunga na kamati ya ulinzi na usalama kufika kwenye mgodi wa dhahabu wa GGM kuangalia maeneo yanakosadikiwa kuwa kijana huyo alianguka kwenye  shimo  liilokuwa  limechimbwa.

Hata hivyo baada ya kukutana na kuzungumza na uongozi wa mgodi Mkuu wa Mkoa ,Amesema wao kama serikali wamechukua uwamuzi wa kuzika mwili huo  kutokana na kukaa muda mrefu na kwamba swala la upelelezi wa kifo hicho wamemwachia kamanda wa Mkoa kuhakikisha ndani ya siku saba (7) taarifa  inapatikana.

Mwenyekiti wa chama cha mapinduzi mkoani Geita Bw Joseph Msukuma amesema hatua ya serikali kuzika imekuja baada ya GGM kusema wako tayari kutoa jeneza na gari na vitu vingine vichangiwe na wananchi.

“Kumekuwa na mvutano mkali GGM  wanasema wako tayari kuchangia jeneza na gari tulichokifanya namshukuru Mheshimiwa DC amesema wapeleke gari lao na jeneza hivyo tulichokifanya dc ametoa lakini mbili na mimi kama mbunge nimetoa laki sita ile gharama ya kwenda kumzika marehemu tayari anayo DC”Alisema Msukuma

Kaka wa Marehemu Bw James Charles amesema familia imekubaliana na kauli ya Mkuu wa Mkoa ili mwili huo uzikwe wakati upelelezi ukiendelea

Makamu wa Rais wa mgodi wa GGM Bw Simon Shayo amesema huwa wanachangia na sio kubeba gharama zote za msiba.

Kijana Shinje Charles alifariki August 21 mwaka huu baada ya kuwa na wenzake walioingia nao mgodini kuchukua mawe ya dhahabu maarufu, Magwangala .

IMEANDALIWA NA MADUKA ONLINE