GGM YATOA KIASI CHA SH,MILIONI 335 KWAAJILI YA UJENZI WA JENGO LA UPASUAJI

Jengo la upasuaji katika hospitali ya wilaya ya chato likiendelea kujengwa.

Msimamizi wa ujenzi wa jengo hilo Rajabu Mfinanga,akitoa maelezo juu ya ujenzi huku akionesha baadhi ya vyumba na kazi ambazo zitakuwa zikifanyika katika vyumba hivyo.

Akizungumza na waandishi wa habari waliofika na kujionea ujenzi ambao unaendelea katika jengo hilo la upasuaji Meneja mwandamizi wa maswala ya jamii wa GGM  Manase Ndoroma 

Kaimu mganga mfawidhi wa hosptali ya wilaya ya chato,Joelam Mpemba,akielezea changamoto zilizopo kwa sasa hosptalini hapo kutokana na uhaba wa vyumba vya upasuaji mbele ya waandishi wa habari. 

Mgodi wa dhahabu wa Geita,GGM umefadhili kiasi cha sh,Milioni miatatu thelathini na tano (335) kwa ajili ya ujenzi wa jengo la upasuaji wilaya ya Chato Mkoani Geita.

Akizungumza na waandishi wa habari waliofika na kujionea ujenzi ambao unaendelea katika jengo hilo la upasuaji Meneja  mwandamizi wa maswala ya jamii wa GGM  Manase Ndoroma alisema kuwa Chato ni moja kati ya wilaya ambazo zipo kwenye mkoa wa Geita na ndio sababu ambayo imepelekea kutoa fedha kwa  ajili ya ujenzi wa jengo hilo.

“Chato ni moja ya wilaya za mkoa wa Geita ambapo tunafanyia shughuli zetu na tunu yetu kubwa ni kuona eneo ambalo tunafanyia kazi zetu watu wanafaidika na uwepo wetu katika suala la maendeleo ya jamii na ndio maana tumeamua kufadhili kiasi cha sh,milioni miatatu thelathini na tano (335) za ujenzi wa jengo la upasuaji ujenzi umefanyika kwa kiwango kikubwa na wa kisasa zaidi kama ambavyo tumejionea”Alisema Manase

Kwa upande wake msimamizi wa ujenzi wa jengo hilo Rajabu Mfinanga,ameeleza kuwa jengo  hilo lina sehemu za upasuaji mbili (2) na kwamba litakuwa na uwezo wa kufanya upasuaji kwa watu watatu (3) kwa wakati mmoja hali ambayo itasaidia kuondoa foleni ya watu wanaofanyiwa upasuaji kama ilivyo kwa sasa.

Kaimu mganga mfawidhi wa hosptali ya wilaya ya chato,Joelam Mpemba amefafanua kuwa jambo kubwa ambalo liliwaladhimu kuomba ufadhili wa kujengewa jengo hilo ni kutokana na wingi wa watu ambao wamekuwa wakija katika huduma ya upasuaji na kwamba sehemu ya upasuaji iliyopo kwa sasa ni ndogo kwani imekuwa ikibeba mtu mmoja .

“Kilichosukuma kuomba kujengewa chumba cha upasuaji ni kulingana na mahitaji tuliyonayo kwa siku tunaweza kupasua wagonjwa watano na kwa sasa tunahudumia baadhi ya wilaya kama Muleba na Biharamulo kwa maana hiyo mahitaji ni makubwa kuliko ilivyokuwa kwa zamani”alifafanua Mpemba

Aidha kwa upande wa wananchi ambao walikuwa kwenye matibabu Hosptalini hapo wamesema kuwa kukamilika kwa ujenzi huo utasaidia kupatiwa huduma ambayo itakuwa ni nzuri zaidi.

Imeandaliwa na Madukaonline.