SIMBACHAWENE AONYA WAKURUGENZI NA WENYEVITI WA HALMASHAURI NCHINI WATAKAO CHEZEA FEDHA ZA RUZUKU

Waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane ,akizungumza na mamia ya wananchi wa kijiji na kata ya nyawilemelwa Wilayani Geita,waliokuwa wamejitokeza kumsikilizan wakati wa zoezi la kukagua na kujionea ujenzi wa madarasa manane.

Waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane ,Akipokelewa na Mkuu wa Mkoa wa Geita Meja Jenerali Mstaafu Ezekiel Kyunga wakati alipowasili Mkoani Humo kwa ziara ya siku Moja.

Waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane ,Akikagua dawati katika karakana ya utengenezaji wa madawati iliyopo ofisi za halmashauri ya wilaya ya Geita.

Waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane ,akizindua madarasa katika shule ya msingi ya nyawilemelwa.

Waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane pamoja na Mwenyekiti wa halmashauri  ya wilaya Elisha Lupuga wakishangilia baada ya uwekaji wa jiwe la msingi shuleni hapo.

Waziri wa TAMISEMI,akikagua madarasa manane ambayo yamejengwa katika shule ya nguzo mbili iliyopo kata ya Buhalahala wilaya ya Geita,huku akiwa ameambatana na Mkuu wa wilaya ya Geita,Mwl Herman Kapufi,mkuu wa shule ya hiyo pamoja na mkuu wa mkoa wa Geita.

Waziri wa TAMISEMI,akielekea kukagua matundu ya vyoo katika shule ya msingi Bomba mblili

Mkuu wa wilaya ya Geita,Herman Kapufi akitoa maelezo ya ujenzi wa vyoo shule ya msingi bomba mbili baada ya waziri wa Tamisemi kuwa amevikagua.

Waziri wa TAMISEMI,Simbachawene akipokea taarifa ya utekelezaji wa ujenzi wa madarasa shule ya msingi Bomba mbili nyuma yake ni Mbunge wa Geita Mjini Constatine Kanyasu,pamoja na diwani wa Buhala hala Mussa Kabese.

Wakurugenzi na wenyeviti wa  Halmashauri ya  wameonywa kuacha kuchezea na kutumia isivyotakiwa fedha za ruzuku zilizotengwa na serikali kwaajili ya shughuli za maendeleo ya wananchi.

 Kauli hiyo imetolewa na waziri  wa Nchi  Ofisi ya Rais, Tawala za Mikoa na Serikali za Mitaa (TAMISEMI), George Simbachawane wakati alipokuwa katika ziara ya kutembelea na kukagua ujenzi wa madarasa na vyoo vya shule za msingi pamoja na kuweka jiwa la msingi pamoja na kuzindua majengo hayo Katika wilaya na Mkoa wa Geita.

 Waziri Simbachawene alisema  serikali haitawavummilia viongozi hao wa  ngazi za halmashauri watakaobainika wametumia fedha hizo kinyume na taratibu ambazo zimepangwa.

alisema  kuwa anazo taarifa  kuwa  halmashauri moja hapa nchini tayari imejipanga kupeleka madiwani wake kwenye mafuzo na fedha watakazotumia ni za  ruzuku ambazo serikali ya awamu ya tano imeonya zisichezewe ovyo na badala yake zipelekwe kutatua changamoto za wananchi.

"Ninapotoa gizo hili hapa Geita natoa agizo kwa nchi nzima halmashauri zote ni marufuku, Mkurugenzi atakaye thubutu kuchezea fedha ya ruzuku hatakuwa na kazi na mwenyekiti atayefanya hivyo vilevile hatakuwa na kazi nitamwambia Rais afute halmashuri hiyo,Nimewasikia watu wa Simiyu, wamepanga pesa   ya ruzuku kwenda Kibaha kwenye mafunzo washindwe na walegee ni marufuku  kutumia fedha ya ruzuku ya serikali  iliyoletwa kwa ajili ya kutatua changamato za wananchi, sas niseme halmashauri yoyote ambayo inataka kufanya hivyo ni lazima waombe kibali kwangu lakini serikali ya Rais wetu John Magufuli haitaki semina ya kupeleka Madiwani kujifunza namna ya kuvua samaki sijui ufugaji wa Nyuki”.Alisema Simbachawene

Katika hatua nyingine Waziri wa TAMISEMI amemwagiza Mkuu wa Mkoa wa Geita meja Jenerali Mstaafu Ezekiel Kyunga na Katibu Tawala wa mkoa Selestine Gesimba,  kuhakikisha wanafanya uchunguzi wa fedha zilizotengwa na serikali kwa ajili ya ujenzi wa jengo la halmashauri ya mji wa Geita kwani inasemekana milioni 200 zimechezewa na wajanja.

 “katika jengo la halmsahuri mnalotaka kujenga zipo fedha zilizotolewa na Mgodi wa GGM bilioni 1.5 serikali nayo imetoa Bilioni moja jumla mnazo bilioni 2.5 lakini ujenzi bado haujaanza nimepewa taarifa katika fedha hizo Milioni 200 zimechezewwa na wajanja,Sasa niagize  Mhe. Mkuu Mkoa unavyo vyombo vyako vya ulinzi na usalama hizo fedha zilizochezewa watuambie wamefanyia kazi gani na je ilipaswa iwe hivyo?...maana jengo halipo mchoro wenyewe naambiwa hupo..agizo langu Mkuu wa Mkoa na Ras natamani nipate zipo salama na kama hazipo salama tutaleteana shida,’’aliagiza Simbachawene.  

 Ziara ya Waziri Simbachawene Mkoani Geita, ilikuwa na lengo la kuzindua miradi, ambapo  amezindua vyumba vya madarasa katika shule nne za wilaya ya Geita na kwamba  vyumba hivyo vimegharimu zaidi ya Sh. Milioni 500 fedha kutoka serikali kuu program for result (P4R) huku akitembelea mradi wa utengenezaji wa madawati katika halmashauri ya wilaya hiyo.

IMEANDALIWA NA MADUKAONLINE