 |
| Waziri wa Katiba na Sheria Mhe Dkt Harrison Mwakyembe(MB) akikata utepe kuashiria uzinduzi wa Mpango wa usajili wa watoto wenye umri chini ya miaka mitano kwa Mkoa wa Geita na Shinyanga,wa kwanza kulia ni Mkuu wa Mkoa wa Geita Mhe Meja Jenerali Mstaafu Ezekiel Kyunga na Wakwanza kushoto ni Mkuu wa Mkoa wa Shinyanga Mhe Zainabu Telack wengine ni wawakilishi wa Mashirika ya Maendeleo ya kimataifa pamoja na viongozi Mbalimbali wa Dini na vyama vya Siasa. |
 |
| Waziri wa katiba na sheria Dkt,Harrison Mwakyembe akionesha simu janja ambayo itatumika kwenye zoezi hilo. |
Waziri wa
katiba na sheria Dkt,Harrison Mwakyembe amezindua Mpango wa Usajili na
utoaji wa vyeti vya kuzaliwa kwa watoto chini ya umri wa miaka Mitano kwenye mikoa ya Geita na Shinyanga.
Uzinduzi huo
ambao umefanyika kwenye viwanja vya kalangalala mjini Geita,umehudhuriwa na
wakuu wa Mikoa yote Miwli pamoja na
viongozi wa wakuu wakiwemo wakuu wa wilaya,wakurugenzi watendaji wa halmashauri
zote,makatibu tawala wa mikoa na wilaya,waganga wakuu wa mikoa hiyo,waganga
wakuu wengine wa idara na wananchi mjini Hapa.
Akito
Takwimu za sense ya watu na makazi ya mwaka 2012 Kaimu Mwenyekiti wa Bodi ya ushauri ya wakala
wa usajili,ufilisi na udhamini(RITA) Bi,Victoria Lembeli,amesema kuwa ni asilimia kumi na tatu pointi nne ya
wananchi wa Tanzania Bara ndio ambao wamesajiliwa na kupatiwa vyeti hali ambayo
sio nzuri kwa Taifa.
Kwa upande
wa UNICEF, Naibu Mwakilishi Mkazi wa UNICEF Tanzania Rene Van Dongen alisema “
Kila mtoto ana haki ya kutambuliwa na Cheti
cha kuzaliwa ni taarifa muhimu ya awali inayothibitisha kuzaliwa kwa mtoto,Kwa
sasa Tanzania ina kiwango cha chini sana cha usajili wa watoto, hali
inayoashiria idadi kubwa ya watoto walio chini ya umri wa miaka mitano
hawatambuliki katika taarifa za serikali , Mpango huu utaongeza kasi ya usajili
wa watoto na fursa ya kupata haki yao ya msingi na kwa upande wa serikali
itakuwa na taarifa sahihi kwa ajili ya mipango na sera”Alisema Dongen.
Serikali ya
kanada ambayo ni mfadhili wa mpango huu inatambua haki za watoto na ina amini
kila mtoto anahitaji utambulisho wa kudumu wa kuzaliwa unaotambulika na nchi
kisheria na ni haki ya msingi ya mtoto.
Ufadhili umechangia juhudi za serikaliza kuboresha mpango wa kuduma
wavyeti vya kuzaliwa unaoenga kufikia watoto million tatu na nusu (3.5 million)
walio.
Kampuni ya simu za mikononi TIGO ni mshiriki wa
mpango huu kwa kutoa ufadhili wa Tehema, ambao umerahisisha taarifa za usajili
kuingizwa kwenye mfumo wa Takwimu wa RITA moja kwa moja. TIGO imechangia
uhamasishaji wa umuhimu wa usajili katika jamii.
Meneja wa Kanda ya Ziwa wa TIGO Ally Maswanya, alisema kuwa Ushiriki wa TIGO uko katika mpango wa kuboresha matumizi ya digital katika
maisha kwa kushirikiana na UNICEF na RITA kuhakikisha kila mtoto anayezaliwa
anapata fursa ya kuandikishwa na kwamba kuna wanafurahia kuona matokeo ya mpango huu toka
uanze mwaka 2013 umebadili taswira ya huduma ya usajili wa watoto.
Kampuni ya TIGO imechangia
simu za za mkononi elfu moja na mia mbili (1,200) zenye gharama ya
shilingi Milioni 113 kuwawezesha waratibu wanaotekeleza usajili
katika mikoa ya Geita na Shinyanga kufanya kazi yao kwa ufanisi “ alisema Maswanya.
Baadhi ya
wananchi ambao wamezungumza na Maduka online Mkoani Humo, Ivon Mashaka na Abubakari Magembe wamesema kuwa
wanaishukuru serikali kwani imerahisisha kwa wananchi wasiyokuwa na uwezo
kupata vyeti bila ya gharama yoyote.
Mpango wa
usajili wa wa vizazi na vifo utasaidia
kuziba pengo la mgawanyo uliopo kati ya mijini na vijijini kwa kupeleka huduma
za usajili kwa watoto walio chini ya umri wa Miaka mitano kwa jamii zilizoko
pembezoni.
IMEANDALIWA NA MADUKA ONLINE
Post A Comment: