HOSPITAL ZA MIKOA NA WILAYA ZATAKIWA KUJENGA WODI ZA WATOTO WACHANGA.

Waziri wa Afya, Maendeleo ya Jamii, Jinsia, Wazee na Watoto  Mh,Ummy Mwalimu ,akikagua Chumba cha dharura kwenye Hospitali ya Rufaa ya Mkoa wa Geita  

Moja wapo kati ya madaktari ambao wanashughulika na matatizo ya watoto akitoa maelezo kwa Waziri wa Afya, Maendeleo ya Jamii, Jinsia, Wazee na Watoto  Mh,Ummy Mwalimu juu ya huduma ya afya ambayo inatolewa kwa watoto.

Waziri wa Afya, Maendeleo ya Jamii, Jinsia, Wazee na Watoto  Mh,Ummy Mwalimu,akimjulia hali mama ambaye ni mgonjwa kwenye Hospitali ya Rufaa ya Mkoa wa eita 

Waziri wa Afya, Maendeleo ya Jamii, Jinsia, Wazee na Watoto  Mh,Ummy Mwalimu  ,amezitaka Hospitali zote za Wilaya na Mkoa kuanzisha Wodi ya Watoto wachanga kwa ajili ya utoaji wa huduma maalum .

Akizungumza Wakati alipotembelea Hospitali ya Rufaa ya Mkoa wa Geita,Mhe Ummy amesema  watoto wote ambao wana siku ishirini na nane wanatakiwa kupatiwa huduma ambazo ni maalum na zenye ubora.

Na kwamba Fedha ambazo zimeahidiwa kutolewa na Mheshimiwa Rais Magufuli Milioni Ishirini (20)  ni vyema zikaelekezwa kwenye  ujenzi wa wodi ya mtoto kwenye Hospitali Hiyo.

“Watoto wachanga ni rahisi sana kupatwa na magonjwa ya kuambukiza hivyo ni vyema wakawa na wodi zao ambazo ni maalum ili kusaidia kupatiwa huduma ambazo zinaendana na umri walio nao hivyo naagiza Hospitali za Mikoa na Wilaya kujenga Hodi za watoto”

Aidha Waziri Ummy amekiri kuwepo kwa changamoto kubwa ya wahudumu wa afya kwenye Hospitali hiyo na kwamba wana mpango wa kuajiri watumishi wa afya elfu tatu (3,000) kwa ajili ya kuziba mapengo kwa watumishi ambao walikuwa na vyeti Feki.

Mbunge wa Jimbo la Geita Mjini,Constatine Kanyasu,amemweleza Waziri  kuwepo kwa malalamiko mengi kutoka  kwa wagonjwa wakilalamikia kuwepo kwa majibu mabaya kutoka kwa wahudumu ambao wapo kwenye Hospitali hiyo.

“Mheshimiwa Waziri wagonjwa wengi ambao umewauliza walikuwa wanakwambia huduma ni nzuri ni kutokana na kuwa na uoga mara nyingi nimekuwa nikipigiwa simu wagonjwa wanalalamika baadhi ya manesi wana majibu mabaya kwa wagonjwa na hata mganga mkuu huwa nampigia simu mara kwa mara juu ya malalamiko ya wagonjwa”Alisema Kanyasu.

Kutokana na malalamiko hayo  Mheshimiwa Ummy amemwagiza Mkuu wa Mkoa pamoja na Mganga Mkuu kuyafanyia kazi maelezo ya Mbunge.

Waziri Ummy amefanya ziara  ya kutembelea Hospitali ya Rufaa ya Mkoa ikiwa ni utaratibu wake wa kuzunguka kwenye Hospitali na kujionea huduma ambazo zinatolewa.

IMEANDALIWA NA MADUKA ONLINE