Rais wa Jamhuri ya Muungano wa Tanzania Dkt. John Pombe Magufuli akizungumza na wananchi katika eneo la mradi wa ujenzi wa kituo hicho cha Afya cha Kabyaile kilichopo Misenyi mkoani Kagera.
Rais wa Jamhuri ya Muungano wa Tanzania Dkt. John Pombe Magufuli akikagua maeneo ya ujenzi wa kituo hicho cha Afya cha Kabyaile kilichopo Misenyi mkoani Kagera.
Rais wa Jamhuri ya Muungano wa Tanzania Dkt. John Pombe Magufuli akipiga makofi mara baada ya kuweka jiwe la msingi katika Kituo cha Afya cha Kabyaile Misenyi Mkoani Kagera.
Rais wa Tanzania Dkt. John Magufuli amezuia serikali kupeleka
chakula cha msaada wilayani Misenyi mkoani Kagera kwa madai kuwa wilaya hiyo
haina sababu ya kukumbwa na tatizo la njaa.
Amesema hayo wakati
akiweka jiwe la msingi katika kituo cha afya cha kata ya Ishozi Wilayani
Misenyi Mkoani Kagera ambapo yupo kwa ziara ya kikazi ya siku mbili mkoani humo
kukagua maendeleo mbalimbali.
“Pasitokee mtu wa wakuwadanganya kwamba serikali itagawa chakula
uwezi ukagawa chakula ardhi ya kijana
hivi kwa hiyo mkuu wa wilaya nataka nikueleze sitaleta chakula hapa hakuna
chakula cha serikali serikali aina shamba hakuna shamba la serikali na mimi
lazima niwaeleze ukweli kwasababu msema kweli ni mpenzi wa Mungu Mvua
zinanyesha watu tufanye kazi”alisema Rais Magufuli
Katika hatua nyingine Rais Magufuli, ameeleza kuwa serikali haitaweza kujenga makazi ya kila
mwathirika wa tetemeko mkoani Kagera kwa kuwa ina jukumu la kujenga miundombinu
itakayokuwa na manufaa kwa jamii nzima kama Zahanati, Shule na barabara.
Amesema kuwa kuna baadhi ya watu ambao nyumba zao hazikuharibika
kiasi kikubwa lakini wakadanganywa na baadhi ya watu kuwa watajengewa hivyo
wakazibomoa kwa kutaka kujengewa nyumba mpya.
Post A Comment: