CCM WILAYA YA GEITA WAADHIMISHA MIAKA 40 KWA KUFANYA SHUGHULI YA UJENZI WA KITUO CHA AFYA

Mwenyekiti wa chama cha mapinduzi (CCM)wilaya ya Geita,Barnabas Mapande akiongoza msafara wa wanachama kushusha mawe sehemu ya ujenzi wa kituo cha afya kata ya Shiloleli Wilayani Geita.

Katibu mwenezi wa chama cha ccm ,Jonathani Masele akiendelea na shughuli za kushusha mawe ya ujenzi wa kituo cha afya cha Shiloleli.

Burudani ikiendelea baada ya kuwa wamewasili eneo la ujenzi katibu mwenezi na mwenyekiti wa chama hicho wakiserebuka na wakina mama ambao walijitokeza kuwapokea.

Eneo la ujenzi shughuli zikiendelea.

Mwenyekiti wa chama cha mapinduzi ccm wilaya ya Geita Barnabas Mapande akiwasisitiza wananchi kuwa na ushirikiano na kujitoa kwa dhati katika shughuli za kimaendeleo.

Diwani wa kata ya Shiloleli,Bonface Kaswahili (Mwapyihatenabei) akielezea kero ya ukosefu wa maji namna ambavyo umeendelea kufanya zoezi la ujenzi kuwa gumu mbele ya ,mwenyekiti wa ccm wilayani Geita.

Mwenyekiti wa wazee Mkoani Geita na kada wa ccm,Laurent Galani ,akitoa historia ya kuanzishwa kwa chama cha mapinduzi kwenye moja kati ya kumbi zilizopo kijijini hapo

Mzee Lupala Meza Ntingwaza akielezea kero iliyopo kijijini hapo ya uhaba wa maji kwenye maeneo yao.

Wananchi wakiendelea kufatilia kwa makini kile ambacho kilikuwa kikiendelea

Mwenyekiti mstaafu wa ccm wilaya ya Geita,Mwl John Luhemeja akielezea maendeleo ambayo yamefanyika katika kipindi cha miaka 40 ya ccm.

Mkuu wa wilaya ya Geita,Mwl Herman Kapufi akielezea dhamira ya dhati ya kuendelea kuchochea maendeleo katika wilaya ambayo anaisimamia kwa sasa.

Chama cha mapinduzi ccm wilaya ya Geita kimeadhimisha miaka arobaini (40)tangu kuanzishwa kwake mnamo Februari,mwaka  1977 kwa kufanya shughuli ya ujenzi wa kituo cha afya kwenye kata ya shiloleli iliyopo halmashauri ya mji wa Geita.

Akizungumza na wananchi kwenye shughuli hiyo ya ujenzi wa kituo  cha afya Mwenyekiti wa ccm wilayani humo,Barnabas Mapande,amemwambia mhandisi kusimamia kwa umakini ujenzi wa boma lisije kutokea tatizo baada ya kuwa umemalizika ujenzi

“Najua wananchi wanatumia nguvu nyingi kwenye ujenzi huu ambao wamejitolea kwa dhati sasa nakuomba Mhandisi  wa ujenzi kusimamia kwa umakini ujenzi huu ili isije ikatokea tena kuonekana kwamba majengo yamejengwa chini ya kiwango”Alisisitiza Mapande.

Diwani wa kata ya Shiloleli,Bonface Kaswahili Wapihatenabei ameelezea pamoja na ujenzi huo kuendelea bado wanakabiliwa na changamoto ya upungufu wa maji ya kujengea kituo hicho cha afya.

“Pamoja na kwamba ujenzi huu unaendelea lakini changamoto kubwa ni upungufu wa maji ya kutosha pamoja na kwamba Mkurugenzi wetu wa halmashauri ya mji ametusaidia visima sita lakini havitoshelezi kwa mahitaji yaliyopo”Alisema Kaswahili

Kwa upande wao baadhi ya wananchi ambao wamezungumza na maduka online ,wameeleza kuwa kukamilika ujenzi wa kituo hicho cha afya kutarahisisha safari ya muda mrefu kutembea umbali mrefu kufuta  huduma  ya afya huku  wakina mama wajawazito kujifungulia njiani.

Aidha  Katibu mwenezi wa chama hicho,Jonathani Masele,ameeleza kuwa chama hicho kitaendelea kujitolea kwa shughuli za kimaendeleo kwa  wananchi ili kufuata ilani ya uchaguzi ya mwaka 2015.

IMEANDALIWA NA MADUKA ONLINE