GEITA:WAKUU WA WILAYA WATAKIWA KUDHIBITI UHUZWAJI WA MZAO NJE YA NCHI NA KWENYE WILAYA NA MKOA YA JIRANI

Mkuu wa Mkoa wa Geita,Meja Jenerali Mstaafu Ezekiel Kyunga akikagua moja kati ya maghala yaliyopo Wilayani Geita Kata ya Katoro

Mkuu wa Mkoa wa Geita,Meja Jenerali Mstaafu Ezekiel Kyunga na kamati ya ulinzi na usalama ya Mkoa wa Geita.

Mkuu wa Mkoa wa Geita,Meja Jenerali Mstaafu Ezekiel Kyunga,akitazama nafaka kwenye soko la ccm Kata ya katoro.

Mkuu wa Mkoa wa Geita,Meja Jenerali Mstaafu Ezekiel Kyunga ,akitoa agizo la kuakikisha chakula kinalindwa kwenye ofisi ya mkuu wa wilaya ya Bukombe.

Mkuu wa Mkoa wa Geita,Meja Jenerali Mstaafu Ezekiel Kyunga,akizungumza na moja kati ya wafanyabiashara wa Nafaka kwenye soko la Bukombe.

Nafaka aina ya mchele ukiwa umehifadhiwa kwenye ghala la chakula Wilaya ya Mbongwe.

Mkuu wa Mkoa wa Geita,Meja Jenerali Mstaafu Ezekiel Kyunga,akiendelea na ukaguzi kwenye ghala la chakula wilaya ya Bukombe.

Mkuu wa Mkoani  wa Geita Meja Jenerali Mstaafu Ezekiel Kyunga ,amewaagiza  wakuu wa wilaya wote kuhakikisha wanasimamia vyakula  vilivyopo ikiwan ni pamoja na kudhibiti uhuzwaji wa  nafaka kwenye wilaya  na mikoa jirani.

Mh,Kyunga ametoa maagizo hayo wakati wa ziara ya kikazi ya kutembelea maghala ya vyakula kwenye wilaya za Geita,Bukombe na Mbongwe lengo likiwa ni kujionea hali ya chakula Mkoani humo

Amesema kuwa ni vyema kwa wakuu wa wilaya kudhibiti chakula  kilichopo ikiwa ni pamoja na kuwaelekeza wananchi kutunza mazao katika kipindi hiki ambacho mvua zimekuwa ni za kusuasua

“Niwaombe wakuu wa wilaya zote kuwa waangalifu na kukilinda chakula kilichopo ili Wilaya na Mikoa ya jirani isije ikachukua na kutuacha hatuna tena chakula lazima hiki kilichopo kitunze na kuhifadhiwa na muwahimize wananchi walime mazaa ambayo yanakubaliana na mvua kidogo Mfano,Viazi Mtama na muhogo”Alisema Kyunga 

Akisoma taarifa ya mazao na hali ilivyo kwasasa kwenye soko la kibiashara Katibu wa wafanya Biashara Soko la ccm Kata ya Katoro,Charles Mlale alisema  kuwa Bei ya nafaka kwa mwaka huu imepanda zaidi ikilinganishwa na mwaka jana kwani mwaka jana gunia la mahindi walikuwa wanachukulia kiasi cha sh elfu themanini kwa sasa imefika kiasi cha laki na ishirini

Akizungumza kwa niaba ya wakuu wa wilaya ,Mkuu wa wilaya ya Bukombe Josephat Maganga  amemwakikishia Mkuu wa Mkoa kufanyia kazi maagizo aliyoyatoa ikiwa ni pamoja na kuakikisha hakuna mtu ambaye hatatoka mikoa ya jirani au wilaya kuja kununua mazao yaliyopo kwenye wilaya wanazozisimamia .