GEITA WALIMU WAPIGWA NA WANANCHI SABABU KUTOA ADHABU KWA WANAFUNZI

Mwalimu Medard Zacharia aliyevamiwa na kupigwa na wazazi baada ya kutoa adhabu kwa mwanafunzi ambaye alizimia shuleni Hapo

Mwalimu Deogras Ristone akielezea masikitiko yake kutokana na kupigwa na wazazi kwenye shule ambayo wanafundishia

Baraza la shule likijadili na kuweka maadhimio ya kutokufundisha hadi pale wananchi ambao wametenda kitendo cha kuwapiga walimu watakapochukuliwa hatua za kisheria.

Katibu wa chama cha walimu wilaya ya Geita,Mwalimu John Kifimbi  akielezea kusikitishwa kwake juu ya kitendo ambacho kimefanywa na wananchi.

Walimu wawili wa shule ya Msingi Isabilo kata ya Bugurula wilaya  na Mkoa wa Geita wamejeruhiwa baada ya kushambuliwa kwa fimbo na wananchi waliovamia shule hiyo kulipiza kisasi baada ya walimu hao kudaiwa kutoa adhabu ya viboko kwa mwanafunzi mmoja aliyepandisha mapepo.

Tukio la kushambuliwa kwa walimu hao limetokea Januari 25,mwaka huu na kwamba walimu 10 wa shule hiyo wamegoma kuingia madarasani kufundisha wakiomba serikali iwahamishe kutoka shuleni hapo kwa kuwa wamefedheheshwa na wananchi.

Walimu walishambuliwa ni Medard Zacharia na  Deograsi Ristone ambao wanamajeraha sehemu mbalimbali za miili Wakizungumza na madukai online kwa nyakati tofauti  wamesema kuwa kitendo walichofanyiwa sio cha uungwana na kwamba muda mwingine wanakosa amani wanapokumbuka tukio hilo.

Mwalimu Mkuu Msaidizi Athuman Augustine anasema Chanzo cha tukio hilo ni walimu kutoa adhabu ya viboko vitatu vitatu kwa kila mwanafunzi ambaye hakwenda kufanya zamu ya usafi wakati wa likizo na ndipo wakati wa utekelezaji wa adhabu hiyo mmoja wa wanafunzi waliopewa adhabu alipandisha mashetani.

“Wakati wa kutoa adhabu mtoto mmoja anayedhaniwa kuwa na mapepo,alianguka na kuzimia hali iliyoamsha gadhabu kwa wazazi na kusababisha wananchi kuivamia shule na kuanza kuwashambulia walimu kwa fimbo”Alisema Athuman.                                                                                                                                                                                                                                                             

Mwl,Medard  Zakaria,ameeleza kuwa yeye alitoa adhabu hiyo kama mwalimu ambaye alikuwa dhamu siku hiyo .

“Nilitoa adhabu kama mwalimu ambaye nilikuwa zamu lakini nashangaa cha kusikitisha wakati nawaachi wanafunzi mmoja wao  ambaye jina limehifadhiwa alianguka akiwa darasani na kuanza kupiga kelele kutokana na hali hiyo sisi kama walimu tulikwenda kumtazama lakini hali yake haikuwa njema ilituradhimu kupiga simu Hospital ya Nzera kuomba msaada wa kuja kuchukuliwa  wakati tulipokuwa tunaendelea na jitihada hizo ndipo kundi la wazazi  likafika likiwa na asira wakiuliza kwanini umewapiga watoto wetu sikujibu kitu kutokana na hilo moja kati ya wazazi alinivamia na kuanza kunichapa fimbp mbele ya wanafunzi uku akiniuliza ni kwanini unawapiga wanafunzi ndio hali ilivyokuwa”alisema Zakaria

Mwalimu Deogras Ristone,ameiomba serikali kupitia  kwa afisa elimu na Mkurugenzi wa Halmashauri ya wilaya kuwahamisha  sehemu hiyo kwani kwasasa awana amani ya kuendelea kufundisha  wala kufanya kazi kwenye mazingira ambayo wamefanyiwa kitendo cha kudhalilishwa  mbele ya wanafunzi ambao wanawafundisha .

Kaimu mkuu wa shule ya msingi Isabilo Mwl.Athuman Augustine amesema sababu ya kuadhibiwa kwa wanafunzi ni kutokana na kutokufika shuleni hali ambayo iliwapelekea kuwapa adhabu ya viboko vitatu kwa kila mwanafunzi ambaye hakuhudhuria siku ya usafi shuleni wakati wa rikizo

Katibu wa chama cha walimu  Wilayani Geita,John Kafimbi amefafanua kuwa swala hilo alitavumiliwa kuona walimu wanadhalilishwa na kwamba  ni vyema  kwa serikali ikachukula  hatua kali ambazo  zitawasaidia walimu hao kwani vitendo vya namna hiyo vimekuwa vya muda mrefu na hakuna hatua zinazochukuliwa.

“Kwakeli tunasikitika sana kuona bado kunauonevu mkubwa kwa walimu sisi kama chama cha walimu tupo kwaajili ya kuwatetea walimu wote na kwamba haya hayawezi kuvumilika haiwezekani mwananchi anatoka nyumbani anakuja kumpiga mwalimu shuleni uonevu huu kiukweli ni Mkubwa na kamwe hatutakaa kimya naomba serikali ilione hili na hatua zichukuliwe kwa wote ambao  wametenda unyama wa namna hii  zamani walimu walikuwa wanavyamiwa wakitoka Benki na hatujawai kuona hatua zikichukuliwa namwomba Mkurugenzi hatoe uamishwa kwa walimu hawa.”alisisitiza Kafimbi

Afisa mtendaji wa kijiji hicho,Bi Sophia Wiliam  amewapa pole walimu hao na kuhaidi kuwa swala hilo la kupigwa kwa walimu litashughulikiwa na wahusika  watachukuliwa hatua kwa kuwa kitendo hicho kinadhalilisha kada ya ualimu.


IMEANDALIWA NA MADUKA ONLINE