DC GEITA HERMAN KAPUFI ATOA WITO KWA WANANCHI JUU YA VYANZO VYA MAJI

Mkuu wa wilaya ya Geita mwalimu Hermani Kapufi amewataka wananchi kuacha kujenga  nyumba  za makazi  katika  vyanzo vya maji na badala yake kuvilinda na kuvithamini ili visikauke.

Kauli hiyo imetolewa kutokana na kuwepo kwa baadhi ya watu  wilayani Geita ambao wanajenga nyumba za makazi katika maeneo ya serikali pasipo  kufuata sheria hali inayo changia kuwepo kwa  migogoro ya mara kwa mara baina ya serikali  pamoja na wananchi.

Akizungumza na wananchi wa mamlaka ya mji mdogo wa katoro  hivi karibuni  mkuu wa wilaya ya geita mwalimu hermani kapufi  amewataka watu walio vamia katika maeneo ya serikali ikiwa ni pamoja na vyanzo vya maji na kujenga nyumba za makazi pasipo kufuata sheria na taratibu waondoke mara moja  na kuya acha maeneo hayo yakiwa wazi.

Aidha baadhi ya wananchi katika eneo hilo Bw. Salmin godfrey na Mashaka yahaya wameeleza kuwa  wamefurahishwa na hatua ya mkuu wa wilaya  ya kuzuia watu kujenga nyumba za makazi katika vyanzo vya maji pamoja na katika taasisi za kiserikali kama shule na hospital  kwani kwa kufanya  hivyo  nikuyafanya maeneo hayo kuwa  huru na salama .