KESI ZAIDI YA 300 ZA RIPOTIWA TAKUKURU GEITA JULAI 2017 NA APRILI 2018

Mkuu wa Takukuru Mkoani Geita,Thobias Ndaro akizungumza na waandishi wa habari (hawapo kwenye picha) wakati alipokuwa akitoa taarifa juu ya utekelezaji wa Taasisi hiyo Mkoani Humo.

Waandishi wa Habari wakimsikiliza Mkuu wa TAKUKURU wakati alipokuwa akitoa taarifa ya vitendo vya Rushwa kwa kipindi cha Julai 2017 na Aprili  2018.

Bi,Flora Charles akizungumza juu ya suala la kupatiwa elimu na TAKUKURU.

Katika kipindi cha Julai 2017  hadi aprili 2018 taasisi ya kuzuia na kupamba na Rushwa Mkoani Geita imepokea ujumla ya taarifa 323 za rushwa na makosa mengine.

Taarifa zilizopokelewa zinahusisha sekta za serikali za mitaa kesi 74,ardhi 29,madini 28,ujenzi 28,elimu 25,afya 21,polisi 19,siasa 18,mahakama 14,fedha 12,mifugo 11,misitu 08,huduma za jamii 08,kilimo 7,biashara 6,uvuvi 5,mawasiliano 4 ,maji 3,utalii2 na nishati 01.

Akizungumza na waandishi wa habari,Mkuu wa TAKUKURU  Mkoani Humo,Bw ,Thobias Ndaro  amesema kuwa wamefanya uchunguzi wa awali na kwamba ofisi yake imefungua jumla ya majalada ya uchunguzi 29, na jumla ya majalada 14 yamepelekwa kwa mkurugenzi wa mashitaka(DPP) kwaajili ya kuombewa kibali cha mashitaka .

Aidha ofisi hiyo imefungua kesi mpya 15 mahakamani kwa makosa mbali mbali ya rushwa kutoka sekta ya Tamisemi,mahakama,vyombo vya habari na afya.

Na kesi ambazo zimeendeshwa ni 38 mahakamani kati ya hizo zilizotolewa maamuzi n inane (8)ambapo kesi nne(4)zilizoshinda  na nne(4) zilishindwa.katika kesi zilizotolewa hukumu,jumla ya washitakiwa watano walipatikana na hatia na kupangiwa adhanu ya kutozwa faini.

Ndaro ameongeza kwamba wameweza kufanikiwa kuokoa kiasi cha fedha taslimu  milioni ,8.7 katika idara za afya ,Elimu na maliasili na pia imeweza kuokoa fedha kwa njia ya udhibiti jumla y ash,milioni 5.5 ambazo zilitokana na vyama vya ushirika ,mahakama ,sekta binafsi na polisi.

Baadhi ya wananchi ambao ni wakazi wa mjini Geita,weiomba taasisi hiyo kuendelea kutoa elimu zaidi kwa wananchi kwani wengi wao bado awajawa na uelewa dhidi ya mapambano ya Rushwa.

Miongoni kati ya mikakati iliyonayo Takukuru Mkoani humo ni kutatua kero kwa wananchi hasa katika maeneo ambayo yanaongoza kwa rushwa ikiwa ni pamoja na kufuatilia kwa ukaribu maeneo ambayo yameendelea kulalamikiwa kwa vitendo vya rushwa.