BUSERESERE FC YAIBUKA MSHINDI KWENYE MASHINDANO YA DIWANI CUP.

Kikosi cha Buseresere kikiwa kwenye mazoezi kikijiandaa dhidi ya Timu ya Ibondo FC Kwenye ligi iliyopigwa kwenye viwanja vya shule ya Sekondari Buseresere.

Makamu mwenyekiti wa chama cha mpira wa miguu wilaya ya Chato,Joseph Ng'wanzalima akisalimiana na wachezaji wa timu ya Ibondo FC.

Wachezaji wakiendelea na mpambano.

Mashabiki wakitazama kwa makini pambano la kati ya Buseresere Fc vs Ibondo.

Meza kuu ni diwani wa kata ya Buseresere Godfrey Miti aliyevaa kofia ya bendera ya Taifa na Katibu wa ccm wilaya ya chato,Hamisi Kula wakiteta jambo wakati mechi hizo zikiendelea.  

Michuano ya Diwani Cup kata ya Buseresere Wilayani Chato Mkoani Geita  ilianza tarehe 28 mwezi wa 9 mwaka huu imemalizika jana kwa kuzikutanisha timbu mbili ambazo ni Buseresere Fc na Ibondo Fc zote zikitokea katika kata hiyo.

Timu ya Buseresere fc imefanikiwa kuibuka bingwa  baada ya  kuichapa Ibondo FC kwa jumla ya Mabao  4  kwa 1  katika fainali hiyo. iliyo  iliyochezewa katika uwanja wa shule ya sekondari Buseresere.

Timu zote mbili zilianza kushambuliana kwa zamu kutokana na pambano hilo kutawaliwa na hofu kwa kila timu kufungwa bao la mapema katika dakika za mwanzo za mchezo .

Katika dakika ya 31 ya mchezo kipindi cha kwanza Ismail Adidas aliiandikia bao la kwanza timu ya Buseresere kwa mkwaju wa penati baada ya kuchezewa madhambi  na Baraka Emmanuel katika eneo la hatari bao hilo lilidumu hadi kipindi cha kwanza kinamalizika.

 kipindi cha pili timu ya Ibondo fc haikuwa na maelewano mazuri  katika safu ya ulinzi ndipo mnamo dakika ya 50 ya mchezo Baraka Emmanuel akahiandikia bao la pili Buseresere Fc na katika dakika ya 70 ya mchezo  Kanzi Majuto akaiongezea bao la tatu Buseresere Fc

Mnamo dakika za lala salama timu ya Ibondo ilionekana kuliandama lango la timu ya Buseresere katika dakika ya 80 walifanikiwa kupata bao moja kupitia kwa mshambuliaji wao  ,lakini katika dakika ya 90 ya mchezo kabla ya muamuzi wa pambano hilo kupuliza kipenga cha mwisho Baraka Emmanuel aliiandikia Buseresere bao la 4 na kuhitimisha kalamu ya magoli.

Hadi muamuzi wa pambano hilo anapuliza kipenga cha mwisho Buseresere fc 4  Ibondo fc 1.

Akizungumza na madukaonline blog nahodha wa timu ya ibondo fc Alex Method  baada ya pambano hilo kumalizika  amesema  kuwa  walikuwa wamejianda vizuli kwa pambano hilo lakini makosa madogomadogo ndiyo yaliyo pelekea kupoteza mchezo huo.

Kwa upande wake nahodha wa Buseresere fc Magesa Elikana  amesema kuwa chanzo cha ushindi huo ni juhudi zao pindi walipo kuwa uwanjani kitu ambacho kilipelekea kushida mchezo hilo.

Kwa upande wake mgeni rasmi katika fainali hiyo , Hamisi Kula  ambae ni katibu wa ccm wilaya ya chato amewaasa vijana wasiwe na hasira pindi wawapo uwanjani na kuzingatia mashariti ya mchezo wa mpira.

Miongoni mwa timu 8 zilizo shiriki ligi hiyo timu moja ya mapinduzi united  ilijikuta ikipigwa lungu la kufungiwa miaka 3 ya  kutojihusisha na michezo  yeyote katika kata hiyo kutoka na na utovu wa nidhamu baada ya kumpiga muamuzi na kuzua tafrani kubwa jambo ambalo lilihatarisha maisha ya watu katika nusu fainali ya pili ambayo walikuwa wakicheza na Buseresere fc.

Mwandaaji wa mashindano hayo ambae ni Diwani wa kata ya Buseresere Godfrey Miti  ameelezea zawadi walizokuwa wameendaa kwa mshindi wa kwanza ni kiasi cha sh,300,000 wapili sh,200,000 na watatu ni sh,100,000 huku zawadi zingine zikitolewa kwa mchezo  bora na mfungaji bora.

Imeandaliwa na Mrisho Sadick,Picha na Madukaonline