YANGA NA AZAM FC AKUNA MBABE

Kikosi cha Yanga kwenye picha ya pamoja.

Kikosi cha Azam FC kikiwa katika picha ya pamoja.

Baada ya kupokea vichapo mara tatu mfululizo timu ya Azam Fc imeambulia sare ya bila  kufungana na Mabingwa watetezi Yanga mchezo uliomalizika muda mfupi katika uwanja wa Uhuru jijini Dar es salaam.

 Kipindi cha kwanza Yanga walitawala mchezo huku Azam wakicheza kwa kujilinda na kufanya madhambi mengi na kuweza kumuumiza beki Juma Abdul na nafasi yake kuchukuliwa na Mbuyu Twite hadi mapumziko zilikwenda sare.

Mpira ulianza kipindi cha pili na Azam walicharuka na kufunguka zaidi na kuliandamana lango la Yanga na beki Vicent Andrew aliumia tena na nafasi yake aliichukuwa mkongwe Canavaro.

Azam wameendelea kukosa huduma za Shomari Kapombe na Paschal Wawa ambao bado wako na majeruhi wakati wapinzani wao wamekosa huduma za Amis Tambwe,Haruna Niyonzima na Vicent Bossou pamoja na Malimi Busungu.

Kwa matokeo hayo Azam wamefikisha alama 12 wakati Yanga wao wanakuwa na pointi 15 nafasi ya tatu na kwenye msimamo Vinara Simba bado wanang’ang’ania kileleni wakiwa na pointi 23.

Uwanja wa CCM Kirumba wenyeji Toto wameendelea kugawa pointi baada ya kutandikwa na vibonde wa Ligi jumla ya magoli 2-1 na Wenyeji walikuwa wa kwanza kupata goli kupitia kwa Yusuph Amos wakati ya Majimaji yote yamefungwa na Peter Mapunda na kufikisha alama Sita na wakiendelea kushika mkia.