GEITA:MWANAFUNZI MWENYE UMRI WA MIAKA 14 DARASA LA TANO ABAKWA NA MWALIMU WAKE.

Mtuhumiwa anayedaiwa kuhusika na tukio la ubakaji kwa mwanafunzi mwenye umri wa miaka 14 Mwalimu Bernard Lwendera akitolewa nje huku akiwa kwenye uwangalizi kwaajili ya maojiano.

Binti aliyefanyiwa kitendo hicho akionekana kwa nyuma wakati alipokuwa akichukuliwa maelezo na afisa elimu.

Baba wa binti aliyebakwa ,Dunia Twimanye akilalamikia jeshi la polisi kwa kumnyima ushirikiano wa  kumkamata mtuhumiwa pamoja na kwamba alikuwa mitaani akizurula.

Rehema Majaliwa ameviomba vyombo vya sheria kuchukua hatua kali kwa mwalimu huyo dhidi ya kitendo alichokifanya cha ubakaji.

Nje ya kituo cha Polisi cha Rwamgasa.

Mtuhumiwa akitolewa ndani ya mahabusu katika kituo cha Polisi cha Rwamgasa.

Mtuhumiwa akisalimiana na Mkuu wa wilaya ya Geita Herman Kapufi baada ya kuwa ametolewa nje kwaajili ya maojiano na waandishi wa habari.

Wananchi wakishangaa tukio hilo katika kituo kidogo cha polisi cha Rwamgasa.

Mwenyekiti wa kamati ya ulinzi na usalama wilaya ya Geita aliyefika kwenye tukio hilo la kusikitisha na kushangaza watu wengi ambaye ni mkuu wa wilaya hiyo mh Hermani Kapufi,akielezea mikakati na namna ya kuwachukulia hatua watu ambao wameendelea kufanya vitendo vya unyanyasaji dhidi ya mtoto wa kike.

JESHI la Polisi Mkoani Geita linamshikilia mwalimu wa shule ya msingi Mwenge katika kata ya Rwamgasa wilayani Geita Bernard Lwendera ( 29) kwa kutuhumiwa kumbaka mwanafunzi wa darasa la tano jina linaifadhiwa( 14) ambae pia huyo mbakaji ni mjomba wa motto huyo.

Tukio hilo limetokea  usiku wa  kumkia maadhimisho ya mtoto wa kike Duniani ambapo mwanafunzi huyo alikuwa nyumbani kwa shangazi yake kwa ajili ya kumsaidia kazi.

 Akizungumza  na Madukaonline blog iliofika kituo cha polisi cha Rwamgasa mama mzazi wa mtoto huyo  Rehema Majaliwa ameviomba vyombo vya sheria kuchukua hatua kali kwa mwalimu huyo huku baba mzazi Dunia Twimanye akilalamikia jeshi la polisi kwa kumnyima ushirikiano wa  kumkamata mtuhumiwa pamoja na kwamba alikuwa mitaani akizurula.

“Tukio hili limetokea juzi lakini nilipokwenda kuripoti katika kituo cha polisi Rwamgasa ili wamkamate mtuhumiwa nilinyimwa ushirikiano na mkuu wa kituo huku akinitaka nifanye mazungumzo  jambo ambalo niliamua kutafuta namba ya mkuu wa wilaya ya Geita na kumpigia na muda si mrefu alifika na kunisikiliza” .alisema  Dunia baba wa mtoto.

Naye mwanafunzi aliyebakwa ameeliza jinsi alivyofanyiwa kitendo hicho cha kinyama na mjomba yake huku mwalimu akikana kufanya hivyo na kudai huenda mke wake alimtegenezea mtego ili akamatwe kwani walikuwa na ugonvi.

“Mimi nilikuwa namsadia kazi za nyumbani,  na mjomba   alinituma nimtegee chakula baada ya kumaliza kumpatia chakula kabla  hajanza kula alinipiga mtama (ngwala) na kuanza kunibaka niliumia sana kutokana na kitendo hicho ndio maana nilikwenda kumwambia mama” alisema mwanafunzi.

Mwenyekiti wa kamati ya ulinzi na usalama wilaya ya Geita aliyefika kwenye tukio hilo la kusikitisha na kushangaza watu wengi ambaye ni mkuu wa wilaya hiyo mh Hermani Kapufi amesema kwa kutumia rungu lake alilokabidhiwa na rais Jonhn Pombe Magufuli atahakikisha sheria inachukua mkondo wake kwa mtuhumiwa ili liwe fundisho kwa wengine.

Ofisi ya wilaya ya mkuu wa wilaya ya Geita imepokea taarifa moja tu ya kubakwa kwa mtoto huyo huku kukidaiwa  kuwa na matukio mengi yamekuwa yanatokea lakini wahusika wakimalizana kwa kuongea na kupeana mifugo jambo ambalo linakuwa ni vigumu kuwabaini.

Imeandaliwa na Adelina Ukugani  Picha na Madukaoniline