WATU MILIONI 285 DUNIANI WANAMATATIZO YA KUONA.

Dokta wa macho katika hospitali ya Rufaa ya Mkoa wa Geita Aneth Musa ambae pia ni mratibu wa huduma za macho Mkoa akimwangalia kwa makini moja kati ya wananchi waliojitokeza kupima macho zoezi ambalo limefanyika katika viwanja vya halmashauri ya mji wa Geita.

Wananchi wakisubilia kupatiwa huduma ya macho .

Mgeni Rasmi akitembelea baadhi ya mabanda ya kutolea Huduma .

Mkurugenzi wa Halmashauri ya mji wa Geita,Mwandisi Modest Aporinal akizungumza na wananchi katika viwanja waliofika kupatiwa huduma ya upimaji pamoja na kufunga maadhimisho hayo.

Mganga mkuu wa Mkoa Joseph Kasala  akielezea madhumuni makubwa ya siku ya afya ya macho Duniani kuwa ni kuweka bayana kwa wadau wote katika huduma za afya ya macho na hali halisi ya magonjwa ya macho hapa nchini.

Wananchi wakifatilia kwa makini kile ambacho kinaendelea katika viwanja hivyo.

Mkuu wa wilaya ya Geita Herman Kapufi akihutubia wananchi katika maadhimisho ya afya ya macho.

Mkuu wa wilaya akimtunza mcheza moja kati ya waimbaji wa nyimbo za asili wilayani Geita 

Hapa Mkuu wa wilaya akijaribu kucheza ngoma hiyo ya asili ya kabira la wasukuma.

Huduma za upimaji zikiendelea katika vibanda vya kupimia afya na kuchangia Damu.

GEITA:Ikiwa leo ni siku ya afya ya macho duniani inakadiriwa kuwa takribani watu milioni 285 duniani wana matatizo ya kuona kati yaa hao,milioni 39 wana upofu na milioni 249 wana uoni hafifu.

Hayo yamesemwa na mganga mkuu wa mkoa wa Geita Joseph Kasala  katika maadhimisho ya siku ya afya ya  macho  yaliyofanyika Kimkoa katika halmashauri ya mji wa Geita.

Kasalama amesema asilimia 80 ya matatizo yote ya kutokuona yanayoikabili Dunia yanachangiwa na sababu zile zinazoweza kuzuilika.Idadi kubwa ya watu wenye matatizo ya kutoona (asilimia) wanaishi katika nchi zinazoendelea ,asilimia 82 ya watu wasioona ni wale wenye umri wa zaidi ya miaka 50 watoto milioni 19 Duniani wanamatatizo ya kuona .

Akimwakilisha Mkuu wa Mkoa ambae ndie alikuwa ni mgeni rasmi katika shughuli hiyo mkuu wa wilaya ya Geita,Herman kapufi,amefafanua kuwa  ni vyema kwa wananchi ambao wanatatizo la uoni hafifu kujenga destuli ya kupima macho mala kwa mala.

“wale wote  ambao tunaona wanauoni hafaifu wanatakiwa wajitokeze kupima kwa haraka ili kunusuru macho kutokuona kabisa”Alisema Kapufi

Baadhi ya wananchi walijitokeza katika zoezi la kupima macho wameeleza kuwa wameona ni muhimu kuangalia hali ya afya ya macho na kwamba ni vyema kwa serikali kuendesha kampeni hizi na maeneo ya vijijini.

Maadhimisho ya Afya ya macho yameadhimisho mkoani na wilayani Geita,huku kauli mbiu ya siku hiyo ikisema”afya ya macho kwa Wote ikiwa ni ujumbe mahususi kuwa umoja ni nguvu zaidi.

Imeandaliwa na Joel Maduka