JESHI LA POLISI LAHUSHWA KUSHIRIKIANA WEZI WA MIFUGO

Wananchi wa kijiji cha Buyagu wakitoka katika ofisi za chama cha mapinduzi ccm walipokwenda kupeleka malalamiko yao juu ya vitendo ambavyo wamekuwa wakifanyiwa.

Samwel Manoni  ambae ni mwananchi wa kijiji cha buyagu akizungumza na waandishi wa habari juu ya hali ya amani ilivyo kwa sasa katika kijiji chao. 

Nyumba ambayo inasadikika ya watu ambao wanajihusisha na wizi wa mifugo ikiwa imebomolewa na wananchi wenye asira kali kijijini hapo.

Diwani wa kata ya Nyamwaga Thomasi Kayange akizungumza na wanakijiji juu ya swala la kushughulikia amani kijijini hapo na wananchi waondokane na wasi wasi wa kuvamiwa 

GEITA:Wananchi wa kijiji cha Buyagu kata ya Nyakamwaga wilayani na Mkoani Geita wamelilalamikia  jeshi la polisi ,mgambo pamoja na mwenyekiti kijiji hicho Chayayi Michael  kushirikiana na wezi wa mifugo kisha kuwakamata wananchi na kuwatoza fedha bila kuwafikisha kwenye vyombo vya sheria.

Malalamiko hayo yamekuja baada ya kutokea wizi wa ng’ombe kijijini hapo uliotokea Novemba mosi  mwaka huu na kusababisha vifo vya watu wawili (2) waliouawa na wananchi wenye hasira kali,kisha kuchomwa moto ambapo kabla ya kuuawa kwa watu hao,waliwataja Andrea Said na Mussa Lushinge kuwa wameshiriki pamoja kwenye wizi huo.

Inadai kuwa  baada ya kuchomewa nyumba moja kati ya watu wanaoshutumiwa kuhusika na swala la wizi wa mifugo kijijini hapo anayejulikana kwa jina la Mussa Lushinge kwa kushirikiana na wenzake  walianza kuwatafuta Wananchi wanaowahisi kuhusika na tukio hilo kwa kumshirikisha mgambo, kitendo ambacho kimelalamikiwa na wananchi kwani  pindi wanapokamatwa hutakiwa kulipa fedha na wanapokataa hutishiwa na kubambikiwa kesi ya mauji  jambo ambalo limesababisha wanaume wengi kukimbia miji kwa madai ya kuhisi kukamatwa na kundi hilo ambalo limekuwa likifanya msako wa mara kwa mara.

Mmoja kati ya wananchi hao ambae anajulikana kwa jina la Samweli Manoni ameielezea madukaonline  kuwa wananchi wengi wamekuwa wakikimbia na wengine kulala madarasani na maporini kwa hofu ya kuogopa kukamatwa.

“Wananchi wetu pale wameanza kuwa wanalala hadi  madarasani kutokana na hujuma ambayo wanafanyiwa kuwa  wamefanya mauwaji na wamebomoa nyumba za watu  jambo ambalo si kweli na ikafikia hatua mwenyekiti wa kijiji akajitoa muhanga watu wakawa wanakamatwa na wanapokamatwa bila ya kutoa shilingi  laki tano hawaachiwi”Alisema Manoni.

Licha ya wananchi kupeleka malalamiko hayo kwa uongozi wa kijiji lakini hawakupata ushirikiano kufuatia baadhi ya viongozi kushirikiana na watuhumiwa kuomba fedha madukaonline imezungumza na

Mwenyekiti wa kijiji hicho Chayayi Michael ambapo ameelezea kuto kuhusika na tuhuma hizo na kwamba mambo hayo yapo kisiasa.

“Kinacho zungumzwa sio kweli mimi tarehe moja nilikamatwa na jeshi la polisi kwa tuhuma za wizi wa ng’ombe tarehe 10 nikawa nje nilionekana sina kesi nimefika kijijini tumefanya mkutano wakasema diwani asimamie majukumu ya kijiji mimi nikawekwa pembeni nashindwa kujua ni wapi nahusika na wizi ambao wananchi wamewataja”Alielezea Chayayi.

Kamanda wa Polisi Mkoani Geita Mponjoli Mwabulambo amekiri kupokea malalamiko hayo na kwamba watafatilia na kuchunguza juu ya tuhuma ambazo wananchi wamezielezea.

Imeandaliwa na Madukaonline.