SERIKALI MKOANI KAGERA YAISHUKURU KAMPUNI YA GGM.

Mkuu wa Mkoa wa Kagera  Meja Jenerali Mstaafu  Salum Kijuu 

Mkuu wa Mkoa wa Kagera  Meja Jenerali Mstaafu  Salum Kijuu ,Akielezea namna ambavyo wameweza kunufaika kutokana na msaada ambao wameupata  wa kuondoa mawe kwenye makazi ya watu yaliyotokana na tetemeko,msaada ambao umetolewa na Kampuni ya uchimbaji wa dhahabu ya Geita(GGM)

Makamo wa Rais wa Mgodi wa GGM nchini Saimon Shayo akifafanua namna ambavyo mgodi uliguswa na janga la tetemeko na kuamua kutoa msaada wa kuondoa mawe makubwa ambayo yalitoka milimani na kufika kwenye makazi ya watu.

Eneo ambalo liliathiriwa kutokana na kuangukiwa na jiwe likiwa limeshasambaratishwa jiwe hilo na eneo likionekana likiwa wazi kwaajili ya ujenzi wa sehemu hiyo.

Makamo wa Rais wa Mgodi wa GGM Saimon Shayo akitoa pole kwa wananchi ambae alipatwa na janga la nyumba yake kudondokewa na Jiwe.

Jiwe likionekana likiwa limetelemka kutoka sehemu liliyokuwa awali na kufika kwenye makazi ya wananchi.

Wakiangalia maeneo ambayo yanaonekana ni hatari ambayo bado hayajafanyiwa kazi ya kutolewa kwa mawe.

Mkuu  wa mkoa wa Kagera Meja Jenerali  Mstaafu Salum  Mustafa Kijuu  ameishukuru kampuni  ya Mgodi wa  dhahabu  wa Geita (GGM)  kwa kutoa msaada wa kuondoa  mawe  ambayo yalikuwa na uzito wa  tani ishirini (20) yaliyokuwa yamedondoka  kwenye makazi  ya  watu.

Hayo ameyasema baada ya kukutana na viongozi hao katika ofisi yake ambapo walifika kujua  shughuli hiyo imeendaje kwa awamu ya kwanza kabla ya awamu ya pili.

Mh Kijuu amesema kuwa tetemeko la ardhi lilipotokea mawe mengi  yalitikiswa na yaliweza  kuvamia maeneo  ya makazi ya wananchi na kuharibu majengo na miundombinu kutokana na ugumu  wa kuyatoa,  ndipo mkoa ukaona kuna uhitaji  wa kuomba msaada kutoka GGM ili walau mawe hayo yaweze kuondolewa kwa utaratibu ambao  ni mzuri usioweza   kuathiri wananchi.

“Kiukweli  tungekuwa ni sisi wenyewe tusingeweza kutokana na tani kubwa ya mawe hayo kiukweli tunawashukuru sana Mgodi wa dhahabu wa Geita kwa kujitolea kuleta mkandarasi ambae amefanya shughuli ya kutoa mawe hayo maeneo ya makazi ya watu kwani yasingetolewa natambua yawezekana kuna athari zingejitokeza kwa yale maeneo ambayo yalikuwa hayajaathirika”Alisema Kijuu.

Makamo wa Rais wa mgodi wa GGM ,Saimon Shayo,ameelezea kuwa wao kutokana na kwamba ni majirani kwani Kagera na Geita ni mikoa ipo jirani hali hiyo imewagusa na kuamua kutoa mchango wa kuondoa mawe hayo ambapo kiasi cha sh,milioni mia moja na kumi (110) zimetumika kwa awamu ya kwanza kutoa baadhi yam awe yaliyokuwa yameangukia  kwenye makazi ya watu.

Wananchi ambao walikuwa  wameangukiwa na mawe katika maeneo yao wameishukuru kampuni ya GGM pamoja na mkuu wa Mkoa kwa kuweza kutoa msaada wa kuondoa mawe hayo kwani endapo wangeachiwa  wasingeweza kutokana na uwezo wao wa kimaisha kuwa chini.

Imeandaliwa na Madukaonline.