ELIMU YA MATUMIZI YA FEDHA KWA WANUFAIKA WA TASAF BADO NI TATIZO GEITA.

Mkuu wa Mkoa wa  Geita,Meja Jenerali Mstaafu Ezekiel Kyunga pamoja na Mkuu wa wilaya Hiyo ,Mwl Herman Kapufi wakizungumza na wanufaika wa Mpango wa kutokomeza umasikini kwa familia zisizokuwa na uwezo kwenye kijiji cha  Kasungamile wakati alipokuwa akikagua na kuzungumza na wanufaika wa mradi huo .

Baadhi ya wananchi ambao ndio wanufaika wa mradi huo kwenye kijiji cha Kashishi wakimsikiliza kwa makini Mkuu wa Mkoa wa Geita wakati alipokuwa akitoa maelekezo.

Mkuu wa wilaya ya Geita,Mwl Herman Kapufi akielezea dhumuni la mkuu wa mkoa kufanya ziara kwenye vijiji na kuzungumza na wananchi wanapokea ruzuku kutoka kwenye mpango wa kunusuru kaya masikini.

Mkuu wa Mkoa wa Geita akisisitiza matumizi sahihi ya fedha zinazotolewa kwa wanufaika.

Mkuu wa Mkoa wa Geita akikagua na kuangalia namna ambavyo mmoja kati ya wananchi ambao wanapatiwa fedha hizo zilivyomnufaisha hadi kufikia uwezo wa kujenga nyumba na kuwa na makazi yake Rasmi.

Mkuu wa wilaya ya Geita,akimpongeza Bi,Sofia kwa hatua nzuri ambayo amefikia ya kujenga nyumba kutokana na fedha ambazo alikuwa akipatiwa.

Picha ya pamoja na mma ambaye ameweza kunufaika na Tasaf.

Mkuu wa Mkoa wa Geita,Meja Jenerali Mstaafu akizungumza na wananchi wa kijiji na kata ya Busanda wakati wa ziara ya kuwatembelea wanufaika wa Tasaf

Wananchi wakisikiliza yale ambayo yalikuwa yakizungumzwa.

Diwani wa Kata ya  Nyang'oko Elias Ngolle akimwelezea Mkuu wa Mkoa changamoto ambazo zipo kwenye kata yake.

Mkuu wa Mkoa wa Geita, Meja Jenerali Mstaafu Ezekiel Kyunga amefanya ziara ya kutembelea vijiji na mitaa katika wilaya ya Geita lengo likiwa ni kuzungumza na kujua wananchi ambao wanapatiwa fedha  kutoka kwenye mpango  wa kunusuru kaya masikini awamu ya tatu (TASAF ) wanavyofaidika na fedha hizo na namna ambavyo wamezifanyia kazi na uelewa wa mfuko huo.

 Kyunga ametembelea kwenye Kata za  Busanda,Nyakamwaga ,Nyan’goko ,Mtakuja na Bumwongoko kubwa akikisitiza wananchi ambao wanapatia fedha hizo kutoka kwenye mfuko wa huo  kutumia kwa maendeleo ambayo yatawasaidia hata baada ya kuwa muda umemalizika wa kupatiwa ruzuku.

“Mpango wa kuhudumia kaya masikini ni wa miaka mitatu hadi sasa wamelipwa awamu kumi  hivyo wamebakiza awamu nane za kulipwa hivyo nawaomba wananchi kuakikisha muda uliobaki mnatumia fedha kwa manufaa na kwa Faida zaidi ikiwa ni pamoja na kununua vitu ambavyo vitawasaidiam kuongeza kipato kwenye familia zenu”Alisema Kyunga.

Hata hivyo baadhi ya wanufaika wa mradi huo wamesema kuwa tangu kuanzishwa wamefaidika na vitu vingi ikiwa ni pamoja na ujenzi wa nyumba pamoja na kusomesha watoto hivyo kutokana na hatua hiyo wameishukuru serikali kwan maana imeweza kuwasaidia wale ambao walikuwa awana uwezo.

“Mimi naitwa Valentino Sweya naishukuru sana serikali kwa kuleta mradi huu kwakweli mimi nimenufaika sana kwani nimeweza kujenga nyumba ya chumba kimoja na sebule ,pia nimekuwa nikinunua chakula na pia nimeweza kununua nguo za wanafunzi kiukweli nimenufaika sana na Tasaf”Alisema Sweya.

“Hatujawai kukutana na changamoto yoyote kwenye malipo kwani tumekuwa tukipatiwa fedha kwa msingi mzuri tatizo baadhi yetu awana elimu kabisa ya matumizi ya fedha hizi kwani wamekuwa wakitumia  pasipokujua matumizi sahihi ya fedha hizi mimi niombe basi serikali itoe elimu ya kutosha kwa walengwa”alisema Mzee Danile Safari.

Hata hivyo katika ziara yake ya siku Mbili kwa halmashauri zote mbili za wilayani GEITA Mkuu wa mkoa wa Geita ,   amekutana na changamoto ya wanufaika wa mradi huo kutokujua kikomo cha  kupokea fedha na wengine kushindwa kutimiza makusudio ya fedha hizo kama ambavyo zimepangwa kufanya shughuli za kimaendeleo na kunusuru kaya ambazo hazina uwezo wa kifedha na kipato na wale,  ambao walishindwa  kuwasomesha watoto.

IMEANDALIWA NA MADUKA ONLINE