KUKOSEKANA KWA AFISA MTENDAJI KWAKWAMISHA MAENDELEO YA KIJIJI

Baadhi ya wana kijiji wakiwa kwenye mkutano wa hadhara kijiji  cha Nyabalasana  Kata ya kakubilo kilichopo katika halmashauri ya Wilaya ya Geita, Jimbo la Geita Vijijini  wakielezea .

Kaimu afisa mtendaji wa kijiji cha  Freda Bosha akisoma taarifa ya kijiji hicho mbele ya mkuu wa wilaya ya Geita,mwalim Herman Kapufi 

Wananchi wakiwa kwenye mkutano wa hadhara wakifatilia Mkutano huo.

Mkuu wa wilaya ya Geita,Mwl Herman Kapufi akizungumza na wananchi kwenye mkutano wa hadhara.

Meneja wa TANESCO Mkoa wa Geita, Joachim Ruweta akajibu maombi ya wananchi juu ya kupatiwa kwa umeme wa REA awamu ya pili.

Meneja wa TANESCO Mkoa wa Geita, Joachim Ruweta akiendelea kufafanua zaidi mbele ya wananchi.

Mkuu wa wilaya ya Geita,Mwl Herma Kapufi akikagua daraja ambalo limekuwa likisababisha wanafunzi kushindwa kupita kuelekea shuleni pindi mvua zinaponyesha.

Moja kati ya wakazi wa kijiji hicho akiuliza swali kwa Mkuu wa wilaya ya Geita.

Kukosekana kwa  Afisa mtendaji zaidi ya  miaka Mitatu tangu mwaka 2014. kwenye kijiji cha Nyabalasana  Kata ya kakubilo kilichopo katika halmashauri ya Wilaya ya Geita, Jimbo la geita Vijijini  ni sababu ambayo imepelekea wananchi kushindwa kushiriki katika uchangiaji wa maendeleo  na kusababisha mapato mengi kupotea

Wakizungumza kwenye mkutano wa hadhara Mahingu Masatu na Elias Nzobe wakazi wa kijiji hicho wametoa kero yao  mbele ya Mkuu wa wilaya ya Geita  ambapo wamemweleza kwamba kukosekana kwa mtendaji huyo ngazi ya kijiji imepelekea mapato mengi kupotea huku michango wanayochanga ikiwa haieleweki inafanya kazi gani na inakwenda wapi.

“ Kero ambayo imesababisha wananchi kugoma kuchangia madawati moja ni kutokana na watendaji wambao walikuwa wanakuja wanakusanya michango wanaondoka sasa tutaendelea paka lini unachanga kitu akifanyiki sisi tukaona ni bora kugoma”Alisema Maningu

“Kiini ni kutokana na swala la ujenzi wa choo kutokukamilika wa shule ya msingi Nyabalasana baada ya wananchi kuchanga na kuona kuwa kazi ijafanyika inavyotakiwa ndio sababu ambayo imetupelekea kugoma”alisema Nzobe

Akisoma taarifa ya kijiji hicho  Kaimu Afisa mtendaji wa kijiji hicho  Freda Bosha  amebainisha namna  ambavyo mapungufu yalivyo kutokana na kukosekana kwa afisa mtndaji huku akimwomba mkuu wa wilaya kupatikana kwa mtendaji kijiji hapo.

“Kukosekana kwa afisa mtendaji ni chanzo kikubwa cha mapato mengi kupotea bila ya utaratibu Mh,Mkuu wa wilaya tunaomba kupatiwa mtendaji katika kijiji ili aweze kusimamia shughuli za maendeleo kijijini hapa”alisema Bosha

Kufuatia hali hiyo iliyochangia hata uwajibikaji wa wananchi kuchangia upande wa Madawati kusuasua, Mkuu wa Wilaya Mwl. Herman Kapufi pamoja na kuwahimiza  wakazi  wa  Nyabalasana kuendelea kujitolea katika miradi ya maendeleo amewahakikishia kwa muda wa wiki mbili watampata afisa mtendaji, huku akimwachia jukumu hilo Afisa utumishi.

“Lakini msiwe na tabia ya kuzira kwasababu ya mtu furani kama kuna tatizo mnakaa kwenye kikao  mnajadili mnatafuta mwafaka mwenyekiti inaonekana kuwa amezidiwa kutokana na kwamba akuna mtendaji wa kijiji  maana mtendandaji wa kijiji ndie mshauri bahati nzuri afisa utumishi yupo hapa naamini hatalifanyia kazi kwani ndie mwenye uwezo wa kuhamisha mtumishi”Alisema Kapufi

Katika hatua nyingine wakazi hao wakaliomba Shirika la Umeme Tanzania {TANESCO}  Mkoa wa Geita kupitia mradi wa Umeme Vijijini REA  kuwafikishia nishati hiyo.

 Meneja wa Tanesco Mkoa wa Geita Joachim Ruweta akajibu maombi ya wananchi amesema,  serikali inampango wa kufikisha umeme katika vijiji vyote vya Mkoa huo, ambavyo havikufikiwa kupitia mradi huo mkubwa wa REA awamu ya pili.

“Wananchi wanatakiwa kuchangia kwa kuachia maeneo yao wazi ili waweze kusababisha huduma kufika kwenye maeneo ya makazi yao tunaendelea na jitihada za kusambaza umeme kwa awamu ya pili maeneo ambayo bado umeme ujafika”Alisema Ruweta