Serikali kupitia wizara ya Nishati imetenga kiasi cha zaidi
ya shilingi Bilioni 40 ambazo zitatumika kujenga mradi wa kituo cha kupozea umeme (Sub-sitation) kwenye mtaa wa
mpovu kata ya Mtakuja Mkoani Geita.
Kituo hicho kitasaidia kusambaza umeme kwenye maeneo mbali
mbali yaliyomo Mkoani humo na mikoa jirani na kitakuwa na uwezo wa kuzalisha
mega wat 98 ambapo kwa sasa Mkoa huo
unatumia mega wat 8.
Akizungumza hapo jana
wakati alitembelea eneo ambalo linatarajia kuwekwa mradi huo,Waziri wa Nishati
Dkt Medard Kalemani alisema mkandarasi ambaye anajenga mradi huo ni kampuni ya CAMCE na kufikia mwezi mei mwakani mradio huo
utakuwa umekamilika kutokana na kasi ambayo mkandarasi atatakiwa kwenda nayo.
Hata hivyo
Waziri Kalemani amewataka wananchi kutunza miundo mbinu ya umeme huo kutokana
na gharama kubwa ambazo zimekuwa zikitumika kuwekeza mitambo hiyo.
“Nampongeza
sana Mheshimiwa Rais kwa kukubali kutupa pesa za walipa kodi kwaajili ya mradi
huu na jambo jingine la kuendelea kumshukuru Rais ni kwamba tumekwisha
kukamilisha malipo ya awali kwa watu wenye maeneo haya kwa maana kwamba
tumeshalipa fidia kwa hiyo kazi imebaki kwa mkandarasi kuhakikisha kuwa
anafanya kazi na mchana hili kazi hii iweze kukamilika”Alisema Waziri Kalemani.
Mbunge wa
Jimbo la Geita mjini ,Constatine Kanyasu alisema kuwa anaipongeza serikali kwa
namna ambavyo imeweza kusikia kilio cha wananchi wa Geita kwani ni muda mrefu
walikuwa wakilia na tatizo la kukatika mara kwa mara umeme na kwamba kupitia
mtambo huo tatizo hilo litakuwa limepungua kwa kiasi kikubwa.
Hata hivyo
Mkuu wa Mkoa huo,Mhandisi Robert Gabriel aliwataka wafanyabiashara kuja na
kuwekeza mkoani humo viwanda mbali mbali kwani umeme ambao unawekwa utakuwa ni
wa uhakika na utaweza kusaidia kwa kiasi kikubwa kufanya shughuli zao zikiwemo
za uchenjuaji wa madini na kwamba ni wakati wao wakuchangamkia fursa ya kuendelea kutanua
wigo wa kuwekeza.
“Mheshimiwa
Waziri kwa sasa sisi kazi yetu kubwa ni kuendelea kuwataka wawekezaji waje
waweze kuwekeza viwanda na niwahakikishie wananchi tu kwamba kwa sasa
tutaondokana na tatizo la kukatika katika kwa umeme hivyo mimi ninawakaribisha
waje waweze kuwekeza kwenye mkoa wetu wa Geita na tunaamini kuwa kwasasa
tutanufaika kutokana na mapato ambayo yataweza kuingia kwa haraka zaidi kwani
kila kitu kitakuwa sawa”Alisema RC Gabriel.
Pia
kwaupande wake,Hamis Mwananyanzala ambaye ni mchimbaji mdogo aliishukuru
serikali na kwamba wanaamini wao kama wachimbaji wadogo wataweza kunufaika na
mradi huo wa umeme kwani hapo awali walikuwa wakipata shida kutokana na nguvu
ya umeme kuwa ndogo.
Waziri wa
nishati Dkt,Medard Kalemani anaendelea na ziara yake ya siku mbili mkoani humo yenye
lengo la kutatua kero ya umeme kwa wananchi.
Post A Comment: