HOFU NA MILA POTOFU KIKWAZO CHA MAENDELEO KWA WANAWAKE GEITA

Baadhi ya viongozi wakiwemo madiwani wa halmashauri mbali mbali Mkoani Geita wakiwa kwenye mdahalo wa pamoja uliofanyika kwenye ukumbi wa mikutano mjini humo ,ulio kuwa na lengo la kujadili nafasi ya mwanamke na uongozi kwenye jamii.

Mwanasheria wa Shirika la The Golden line   Bi, Walta Carlos akizungumza kwenye mdahalo huo. 

Baadhi ya madiwani wakimsikiliza Muongozaji wa mdahalo huo.

Utafiti uliofanywa na shirika lisilo la kiserikali la The Golden line umebaini kuwa wanawake wengi Mkoani Geita wanaogopa kuwania nafasi mbalimbali za Kisiasa na kijamii wakihofia kushindwa pamoja na mila potofu.

Shirika hilo limeeleza kuwa wanawake wengi wanaogopa kuwania uongozi kwenye Nyanja hizo wakidai kutoaminiwa na jamii pamoja na dhana potofu kuwa kazi ya Mwanamke ni kulea familia.

Akizungumza kwenye mdahalo uliwashirikisha  Madiwani wa Halmashauri tano( 5 )za mkoa wa Geita kwenye ukumbi wa Kanisa Anglikana mjini Geita, Mwanasheria wa Shirika hilo Bi Walta Carlos amesema mila potofu ni kikwazo kwa wanawake kuwania nafasi za uongozi kwenye siasa.

“Wakati tukiendelea na tafiti zetu licha ya kwamba wanawake wengi wanauogo lakini pia tumebaini kuwepo kwa mila potofu kwa maana kwamba mama akiwa kiongozi aweze kusimamia vyema familia yake na kufanya majukumu ya msingi kama mwanamke hivyo kwa upande wa baadhi ya wanaume wameendelea kuwakataza wake zao kuwania nyadhifa mbali mbali kutokana na kuwepo kwa dhana hiyo”Alisema  Bi,Walta.

Aidha Diwani wa Kata ya Lwamgasa Bw Josepha Kaparatusi amesema wanawake wanayo nafasi sawa na wanaume kuwania uongozi hivyo hawapaswi kuogopa na kwamba ni vyema wakajitambua na kujitokeza na kuachana na tabia ya kuendelea kujificha.

Baadhi ya viongozi wanawake waliozungumza na  mtandao huu,wamesema wanapowania nafasi hizo wamekuwa wakikumbana na vikwazo mbalimbali ikiwa ni pamoja na baadhi ya jamii kuwaona kuwa awanauwezo wa kuongoza.