WANAUME 800 WAFANYIIWA TOHARA GEITA

Baadhi ya vijana waendesha Piki piki (Boda boda)Wakionesha mfano wa namna mwanaume anaweza kujikinga na maambukizi ya virusi vya Ukimwi na kumkinga mwanamke kwa kuvaa  mpira.

Vijana ambao ni waendesha Boda boda wakifuatilia kwa makini mafunzo yaliyokuwa yanatolewa na Intra Health Kwenye kata ya Katoro Wilaya na Mkoa wa Geita. 

Waendesha Boda boda wakiwa nje ya Ukumbi baada ya kumaliza mafunzo.

Mganga Mkuu wa Wilaya ya Geita,Raphael Mhana akisistiza umuhimu wa zoezi la Tohara.

Mraibu wa Ukimwi na Kifua Kikuu Mkoani Geita,Dk Josph Odera akielezea madhara ambayo yanaweza kujitokeza enda mwanaume asipofanyiwa Tohara.

Tangu kuanza kwa zoezi la Tohara Mkoa wa Geita  watu 800 wamekwisha kupatiwa huduma hiyo huku Tafiti zinaonyesha kuwa wanaume wasiofanyiwa tohara ndio wanaopata maambukizi ya VVU kirahisi huku waliofanyiwa wanajikinga kwa asilimi 60 kupata maambukizi mapya.

Kutokana na usafiri wa pikipiki kutumiwa na abiria wengi kwenye maeneo ya starehe Intra Health wameamua kutoa elimu kwa waendesha boda boda  Kwenye Mji mdogo wa Katoro hili kutambua umuhimu wa kufanya tohara na kujikinga na maambukizi ya ugonjwa wa virusi vya ukimwi.

Akizungumza  nje ya Ukumbi wa Msengenye Mratibu wa Ukimwi Mkoani Humo,Joseph Odero amesema kuwa

Mwanaume asihetahiriwa anahatari ya kumuambukiza mwenza wake wa kike anayeshirikiana na ye tendo la ndoa saratani ya Mango wa kizazi.

“Lengo la kuja kwa huduma hii ni kupunguza maambukizi ya virusi vya ukimwi pamoja na magonjwa yatokanayo na ngono hivyo kwa mwanaume ambaye hajatailiwa anahatari kubwa ya kupata maambukizi ya virusi vya Ukimwi”Alisema Odero

Hata hivyo kwa upande wake mganga mkuu wa wilaya ya Geita Raphael Mhana amesema kuwa mji wa katoro ni kati ya miji ambayo inaongoza kwa kiasi kikubwa cha  maambukizi ya VVU ambapo imezidi takwimu za kiwilaya kwa kuwa na maambukizi ya juu zaidi ukilinganisha na maeneo mengine.

Aidha baadhi ya wadau ambao wamejitokeza kwenye mafunzo hayo wamesema kuwa wamenufaika kwa kiasi kikubwa na kwamba wamehaidi kuwa mabalozi kwa vijana ambao bado hawajajua umuhimu wa TOHARA.

Meneja Mradi wa Tohara   Paulo Mwakipesile amesema sababu za kuwajengea uwezo waendesha boda boda ni kutokana na kwamba wamekuwa ni mihongoni kati ya watu ambao wanafanya  biashara hiyo wakati wote na kwamba elimu ambayo wamewapa itasaidia kwa kiasi kikubwa kuwafikia watu wengi zaidi.

           

Elimu inaendelea kutolewa Mkoa humo kwa lengo la kuhakikisha kila Mwanaume anafanyiwa tohara kuepeusha madhara kwa jamii na familia kwa ujumla.